യേശുവേ നീയെനിക്കായ്
ഇത്രയേറെ സ്നേഹമേകാന്‍
അടിയനില്‍ യോഗ്യതയായ്
എന്തു കണ്ടു നീ…
സ്നേഹമേ നിന്‍ ഹൃദയം
ക്ഷമയുടെ സാഗരമോ?
നന്മകള്‍ക്കു നന്ദിയേകാന്‍
എന്തു ചെയ്യും ഞാന്‍…
മനഃസ്സുഖമെങ്ങുപോയി
എനിക്കില്ല ശാന്തിതെല്ലും
​നിമിഷസുഖം നുകരാന്‍
കരളി​നു ദാഹമെന്നും
​സഹനങ്ങളേറും നേരം
തിരഞ്ഞില്ല നിന്നെ നാഥാ
​പകയുടെ തീക്കനലാല്‍
മുറിവുകളേറിയെന്നില്‍
​ഈ..ശോ പറയൂ നീ..
ഞാന്‍ യോഗ്യയോ...
യേശുവേ നീയെനിക്കായ്
ഇത്രയേറെ സ്നേഹമേകാന്‍
അടിയനില്‍ യോഗ്യതയായ്
എന്തു കണ്ടു നീ…
​നിരന്തരമെന്‍ കഴിവില്‍
അഹങ്കരിച്ചാശ്രയിച്ചു
​പലരുടെ സന്മനസ്സാല്‍
ഉയര്‍ന്നത് ഞാന്‍ മറന്നു
​അടച്ചൊരു കോട്ടപോലായ്
ഹൃദയത്തിന്‍ വാതിലെന്നും
​എളിയവര്‍ വന്നിടുമ്പോള്‍
തിരക്കിന്റെ ഭാവമെന്നും
​​ഈശോ പറയൂ നീ
ഞാന്‍ യോഗ്യ​യോ
യേശുവേ നീയെനിക്കായ്
ഇത്രയേറെ സ്നേഹമേകാന്‍
അടിയനില്‍ യോഗ്യതയായ്
എന്തു കണ്ടു നീ…
എന്തു കണ്ടു നീ…
​ മ്... മ്... മ്...